Charles Leclerc do të niset nga vendi i parë në Çmimin e Madh të Monakos, pasi regjistroi kohën më të shpejtë në pistën e shtëpisë së tij, duke kthyer një makinë Ferrari në “pole position” pas më shumë se një viti.
Por, në sekondat e fundit të sesionit të tretë, Leclerc u përplas me murin, duke dëmtuar makinën e tij dhe duke bërë që këto prova të mbylleshin me flamurin e kuq. Më i penalizuar në këtë rast rezultoi Hamilton i cili në ato momente renditej në vendin e 7-të, duke mos pasur mundësinë për të përmirësuar kohën e tij.
Nga vendi i dytë do të niset Max Verstappen me Red Bull, ndërsa kohën e tretë më të shpejtë e regjistroi Valteri Bottas me Mercedes.
