Agron Shehaj shpall kandidaturën për kryetar për Partisë Dmeokratike.
Lajmin e konfirmon vetë Shehaj përmes një postimi në rrjetet sociale.
“Shqipëria ka sot nevojë për opozitë të fortë, parimore dhe frymëzuese. Shqipëria ka sot nevojë për Partinë Demokratike! Ne demokratët do ta kapërcejmë gjendjen e vështirë ku jemi dhe do ngrihemi më të fortë se më parë. Përballë autokracisë, korrupsionit dhe paaftësisë së qeverisë, ne do të ndërtojmë alternativën e lirisë, ndershmërisë dhe aftësisë. Për këtë duhen energji të reja, vizion i ri, drejtim i ri. Me ketë bindje, kam vendosur të kandidoj për kryetar të Partisë sime. Konkurimin nuk e shoh si garë për një post, por si një përpjekje të përbashkët me të gjithë demokratët që dëshirojnë që partia jonë të jetë partia e anëtarëve: një parti e vërtetë demokratike, moderne dhe e hapur”, shprehet ai.
“Unë besoj se çdo njeri duhet të luftojë duke dalë në shesh për atë që beson. Unë besoj se shërimi nga humbja vjen nga veprimi dhe jo nga apatia e ankimit për padrejtësitë, që sigurisht kanë ndodhur. Unë besoj se përparimi vjen përmes ndryshimit dhe jo ripërsëritjes së të njëjtave gabime. Dua të shpreh mirënjohjen për të gjithë ju që më keni besuar e nxitur të marr përgjegjësinë e garës. Unë kam hyrë në politikë për të punuar për njerëzit, jo për t’u pasuruar dhe nuk do ju zhgënjej”, shton.
Kandidatët
Përveç Agron Skehajt, kandidatët e zyrtarizuar deri tani për kreun e PD janë: Lulzim Basha, Fatbardh Kadilli, Edith Harxhi dhe Ibsen Elezi.
Duket se gara do të fokusohet mes Bashës dhe Shehajt.
Ky i fundit ishte kandidati për deputet më i votuar pas Lulzim Bashës në Partinë Demokratike, në zgjedhjet e 25 Prillit.
22 maji (sot) shënon edhe afatin e fundit zyrtar për të paraqitur kandidaturën për kryetar te partisë Demokratike pranë komisionit zgjedhor të PD.
Nesër në orën 18:00, kryesia e Partisë Demokratike do të zhvillojë mbledhjen për kualifikimin e kandidateve që përmbushin kriteret për kreun e PD.
