Atletico Madrid përkundër parashikimeve në fillim të sezonit, ka arritur të shpallet kampion i Spanjës.
Djemtë e Diego Simeones triumfuan në transfertë ndaj Valladolid me rezultatin 1-2, duke fituar La Ligën për herë të 11 në histori.
Nga ana tjetër rivalët e kryeqytetit të “Los Colchoneros”, Reali, arriti një fitore në minutat e fundit ndaj Villareal, (2-1) por që në fund nuk rezultoi e mjaftueshme në luftën për titullin.
Skuadrës së drejtuar nga Diego Simeone i duhej fitorja në transfertë ndaj Valladolid dhe këtë fitore e arriti me vuajtje, pasi pjesa e parë u mbyll 1-0 për vendasit.
Bardhekuqtë reaguan në të dytën, me Correa dhe Suarez që përmbysën rezultatin dhe i dhuruan titullin ekipit madrilen, që grumbulloi 86 pikë. Ky është titulli i dytë që Atletico Madrid fiton nën drejtimin e Simeones.
