Pas dënimit me dy vite burg për ish-kryeprokurorin Adriatik Llalla, zbardhet vendimi i Gjykatës së Posaçme Antikorrupsion.
Sipas vendimit mësohet se, Llalla, do ta vuajë dënimin e tij në një burg të sigurisë së zakonshme. Ndërsa pasuritë e tij, që u konfiskuan me vendim gjykate, do t’i kalojnë shtetit, raporton Vizion+.
Bëhet fjalë për 4 sipërfaqe toke, në total 22 mijë metra katrorë dhe 1 apartament në Durrës. Llallës po ashtu i është hequr e drejta për pesë vite që të ushtrojë funksione publike.
