Në marshimin e realizuar ditën e sotme në Rrëshen, ka qenë edhe një prej të afërmve të 15 vjeçares që u abuzua nga 5 persona.
Ai është shprehur për Fax News, se e mitura është detyruar të heshtë në lidhje me këtë ngjarje, pasi e kanë kërcënuar se do t’i vrsnin familjarët. Sipas fjalës së tij, personi kryesor përgjegjës kishte qenë Kaçorri i cili kishte përfshirë më pas në këtë çështje edhe nipin e tij dhe punëtorët e servisit të tij.
I afërmi shtoi se gjendja psikologjike e vajzës së mitur ishte shumë e rënduar teksa ajo kishte ditë të tëra që qëndronte vetëm në krevatin e saj pa pranuar të flasë me askënd.
Sipas tij, vendimi i gjykatës për t’i lënë në burg përdhunuesit ishte një vendim i drejtë dhe e konsideron këtë një akt shumë të rëndë pasi përdhunuesit janë edhe kushërinj të largët me të miturën.
“Vajzën e kanë kërcënuar që mos të tregonte në lidhje me atë që kishte ndodhur. Po tregove gjë, do të vrasim nënë, babain, vllain, motrat i kanë thënë.
Tani ky i pari Kaçorri është kryesori, ka fut edhe nipin e vet në këtë lojë 17 vjeç. Pastaj ka fut edhe ndihmësat e vet që punojnë këtu në sërvis. Edhe janë bërë gjithses 5 persona. Gjendja psikologjike e vajzës është shumë e rënduar, ka disa ditë në krevat nuk do t’a dijë as për nënën as për motrën.
Familjarët e këtyre abuzuesve kanë tentuar të kontaktojnë me ne por nuk kemi prtanuar, serpse ja kemi lënë drejtësisë këtë gjë për t’u trajtuar.
Jam dakord për vendimi nqë ka dhënë gjykata për dhunuesit. Këta duhet t’i kapin 5 nene, atëherë edhe vajza do të qetësohet edhe prindërit. Madje me 4 nga ato djem janë kushërinj të katërt a të pestë”– u shpreh i afërmi i 15 vjeçares.
