“Vllaznia e meritoi fitoren, nuk kam asgjë për arbitrin”, kështu tha Gaz Demi pas ndeshjes që Partizani e humbi me Vllazninë, me një penallti që po kontestohet shumë.
Kreu i klubit të kuq, pasi ka parë rastin e akordimit të 11-metërshit ka ndryshuar mendim dhe ka folur për “Gazeta Tema”.
“Unë pas ndeshjes urova kryebashkiaken e Shkodrës dhe sponsorin Z. Xhaferi. U prononcova dhe pak para mediave brenda korrektësisë time, por kur erdha në shtëpi dhe shikoj çfarë lloj penalltie është dhënë, pavarësisht se ekipi im nuk më dha ndjesinë që prisja, tani pasi e kam parë disa herë them që ky mostër Enea Jorgji është një i pafytyrë dhe do e shohim çdo bëj rrugës me të, se unë do jem për një kohë të gjatë në futbollin shqiptar.
“Penalizimi nga arbitrat? Për këtë pjesë foli dhe traineri Ilir Daja dhe ne nga arbitrimi jo korrekt jemi minimumi -6 pikë. Gol i anuluar ne Fier, gol i anuluar me Teutën në “Elbasan Arena”, gol i anuluar me Laç. Ka dhe shumë të tjera, por po flas për këto raste që gjithë moviolistët i kanë dhënë të drejt Partizanit. Ne si Partizan do luftojmë që të jemi një pjesë e mirë e rregullave të “fair-play”.
“Dëgjova se kish thënë që nuk e bënte pis ndeshjen, por ky qenka një person pa dinjitet që me këtë që ka bërë do mbetet në histori si një pisanjos që ka njollosur veten në futbollin shqiptar. Patjetër që ne si Partizan me këta rrugaçë do ndjekim gjithmonë rrugët ligjore, për të çuar futbollin shqiptar në rrugë të drejtë dhe patjetër një mostër si Jorgji do çohet për ndjekje penale nga ne”, përfundon Demi.
