Me qindra njerëz në Gaza dhe territore të tjera palestineze vërshuan nëpër rrugë për të festuar armëpushimin, ndërsa në duar mbanin flamurë me shkronjën “V”.
Armëpushimi hyri në Fuqi në Rripin e Gazës në orët e para të mëngjesit të së premtes pasi Egjipti ndërmjetësoi një marrëveshje midis Izraelit dhe Hamasit për ta ndaluar 11 ditë konfliktin.
Zyra e kryeministrit izraelit Benjamin Netanyahu njoftoi me anë të një deklarate se kabineti i sigurisë “kishte pranuar unanimisht rekomandimet për të pranuar një iniciativë egjiptiane për një armëpushim të pakushtëzuar”.
Grupet palestineze Hamas dhe Xhihadi Islamik konfirmuan më pas armëpushimin në një deklaratë, duke thënë se do të hynte në fuqi në 2:00 të mëngjesit të premten. Të paktën 232 palestinezë, përfshirë 65 fëmijë, raportohet të jenë vrarë në bombardimet izraelite. Kurse, në Izrael humbën jetën 12 persona, mes tyre edhe dy fëmijë
