Luhet duke filluar nga ora 17:00, ndeshja mes Laçit dhe Teutës e vlefshme për javën e 35-të në Kategorinë Superiore.
Pritet një sfidë e luftuar nga të dyja ekipet, që do të kërkojnë të marrin me çdo kusht fitoren, për të shpresuar ende te titulli kampion. Partizani kryeson renditjen, por të kuqtë luajnë sot ndaj Vllaznisë dhe në rast se do të ndalen, kjo është një mënyrë e mirë, që Laçi ose Teuta t’i marrin vendin.
Kurbinasit renditen në vendin e 3-të me 60 pikë, 2 më pak se Teuta dhe Partizani kryesues. Në 3 ndeshjet e këtij sezoni, të dyja skuadrat janë në balancë, teksa Laçi ka triumfuar në një ndeshje, ndërkohë që durrsakët kanë fituar në një tjetër, ndërsa një sfidë është mbyllur në barazim.
Për sa i përket formacioneve, të dyja skuadrat vijnë me risi, me Laçin që e nis nga minuta e parë me Lukas Ramos dhe Xhixhën, ndërsa te Teuta e nis nga fillimi Ildi Gruda në majën e sulmit.
Formacionet zyrtare:
LAÇI: Sherri; Malota, Ignjatoviç, Obanor; Deliu, Lushkja, Lukas Ramos, Musta; Shehu; Harmon, Mazrekaj, Trajner: Shpëtim Duro.
TEUTA: Frashëri, Todorovski, Hoxha, Arapi, Xhekson, Aleksi, Daja, E. Vila, L. Vila, Bregu, Gruda. Trajner: Edi Martini.
