Një zjarr i madh ka shpërthyer në afërsi të Athinës, Greqi, dhe sipas autoriteteve zyrtare janë evakuuar 6 fshatra. Bëhet me dije se janë evakuuar Schinos, Agia Sotira, Vamvakes, Mavrolimni, Mazi dhe Paraskeva, si dhe dy Manastire të Shenjta të Agios Ioannis dhe Agia Paraskevi. Mediat greke bëjnë me dije se zjarri ka nisur që nga mbrëmja e shkuar shumë afër zonave të banuara, në Loutraki Korinth.
Mësohet se është ndaluar qarkullimi i automjeteve në zone, ndërsa zjarri vazhdon ende. Në vendin e përfshirë nga zjarri kanë mbërritur zjarrëfikësit. Lidhur me situatën ka folur për mediat zëdhënësi i Forcave së Zjarrfikësve, Vasilis Vartakogiannis. “Forcat e zjarrfikësve po bëjnë gjithçka që është e mundur për të zvogëluar zjarrin e madh, i cili për shkak të erërave perëndimore drejtohet drejt Maleve Geraneia. Deri më tani, ne nuk kemi të dhëna zyrtare mbi dëmtimin e shtëpive, shumica e të cilave janë shtëpi pushimi dhe nuk janë të banuara në këtë kohë.”
