Merkato e verës pritet të jetë shumë intensive për Barcelonën. Tifozët shpresojnë që Leo Messi të rinovojë dhe ekipi i tyre i zemrës të nisë një cikël të ri fitues me Joan Laportën si president.
Ky i fundit ka vendosur të bëjë një revolucion të vërtetë në fund të sezonit. Sport.es raporton se plot 14 lojtarë mund të largohen nga “Camp Nou”, mes tyre edhe emra të rëndësishëm. Barcelona po kalon një moment të vështirë ekonomik dhe drejtuesit e klubit po krijojnë një plan për të ulur shpenzimet e shumta.
Në listën e përpiluar janë 14 futbollistë, të cilëve do u kërkohet ulja e rrogës. Kush nuk pranon do të përfundojë në merkato. Lojtarë si Pique, Jordi Alba, Busquets apo Sergio Roberts, duhet të bëjnë një sakrificë financiare për të vijuar karrierën te Barcelona.
Diskutim i ndryshëm për Riqui, Neto, Umtiti, Junior, Pjanic, Coutinho, Griezmann, Matheus, Braithëaite dhe Dembele. Këta dhjetë futbollistë ndodhen zyrtarisht në merkato dhe klubi katalanas shpreson të përfitojë sa më shumë nga shitjet e tyre.
