5 persona akuzohen për abuzimin seksual ndaj një adoleshenteje, në Tarazh të Mirditës.
Pas publikimit të lajmit, dy ditë më parë, në rrjetet sociale ka nisur nisma “përdhunuesit kanë emër”, ku identifikohen Artan Kaçorri 31 vjeç, Albert Molla, 27 vjeç, Ermal Tarazhi, 30 vjeç, Nike Lleshi, 44 vjeç dhe Adrian Gjikola, 17 vjeç.
Dje, babai i vajzës tregoi për emisionin “Shqipëria live” se ngjarja ka ndodhur në 8 mars, pasi Artani mori vajzën nga shkolla.
“Artani ishte i pari që abuzoi me gocën. Kemi pasur hyrje-dalje me të. 2 km larg nesh është shtëpia e tij nga shtëpia jonë. E ka marrë te shkolla vajzën, e ka gënjyer. E ka futur në makinë me zor, e ka çuar në një fshat, i ka dhënë diçka për të pirë dhe i ka hedhur drogë brenda.
Ka kryer marrëdhënie me të dhe pastaj e ka çuar te shoku i tij, Nik Lleshi, bashkëfshatar i joni. Është i martuar me dy fëmijë. I kishin bërë një video gocës. Të gjithën e ka organizuar Artani. Adrianin dhe Artanin i kemi kushërinj”,- shprehet ai.
Ndërkohë burimet zyrtare bëjnë me dije se sot, në orën 13:00 do të mbahet seanca e parë gjyqësore për të akuzuarit.