Policia e Tiranës ka arrestuar 6 persona, për shkak se akuzohen për vepra të ndryshme penale.
Sipas njoftimit të policisë, është arrestuar shtetasi, R. G., 25 vjeç, pasi gjatë kontrollit të ushtruar nga shërbimet e Komisariatit të Policisë Nr. 5, iu gjet dhe iu sekuestrua në cilësinë e provës materiale një sasi me lëndë të dyshuar kanabis.
Po ashtu janë arrestuar shtetasit D. Z., 27 vjeç dhe R. C., 29 vjeç, pasi sherbimet e Komisariatit të Policisë Nr.4 gjatë kontrollit të ushtruar në mjetin me drejtues D. Z dhe pasagjer R. C., gjetën dhe sekuestruan një sasi me lëndë të dyshuar kanabis dhe kokainë.
Gjithashtu mësohet se është arresuar në flagrancë shtetasi R. X., 32 vjeç, pasi rezulton se ka qenë punëtor i një bilardoje prej 5 vitesh, vendoste në dispozicion ambientin e bilardos, për të bërë organizimin e lojrave të llotarive të palejuara.
Gjatë kontrollit në ambientet e brëndshme të bilardos, iu gjet dhe iu sekuestrua në cilësinë e provës materiale, nje aparat celular dhe një njësi kompjuteri.
Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.
