Komisioni i Ankimimeve dhe Ankesave ka refuzuar sot kërkesën e PD dhe LSI për përsëritje të zgjedhjeve në qarkun e Vlorës. Tashmë, partitë kanë pesë ditë kohë që ta ankimojnë vendimin në Kolegjin Zgjedhor.
Ndërkohë, ka nisur edhe numërimi i 114 kutive të votimit, për subjektet zgjedhore, në qarkun e Beratit.
“KAS me shumicë votash vendosi, rrëzimin e kërkesës ankimore 36 të paraqitur nga PD-AN. Rrëzimin e kërkesës ankimore 49 të paraqitur nga LSI. Lënien në fuqi të vendimit të Komisionarit për rezultatin e votimit për qarkun e Vlorës”,- shprehet relatori i ankimimit.
Ky është vendimi i tretë që KAS vendos kundër kërkesave për përsëritje zgjedhjesh. Kujtojmë se të mërkurën u rrëzua kërkesa për përsëritje zgjedhjesh në Gjirokastër dhe Berat.
