Me sezonin 2020-’21 që po shkon drejt fundit, Partizani ka pasur një statistikë të mirë sa u takon kartonëve. Gjithsesi, lojtarë të veçantë kanë prishur disi këtë bilanc.
Jasir Asani është lojtari më i ndëshkuar i “demave”, me 8 kartonë të verdhë, duke munguar dy ndeshje për shkak pezullimi.
Ndërsa Broja, me 7 kartonë të verdhë, dhe Bardhi me 6, plotësojnë podiumin si lojtarët më të ndëshkuar. Gjithashtu, Jurgen Bardhi ka dhe një karton të kuq.
Sa i takon Brojës, është disi e justifikueshme kjo statistikë, duke marrë parasysh rolin ku luan. Ndërsa lojtarët që rrezikojnë mungesën ndaj Bylisit në rast se ndëshkohen me Vllazninë janë Broja, Belica, Hakaj, Zhunior dhe Çinari.
