Ibsen Elezi dhe Edith Harxhi pritet të kandidojnë për postin e Kryetarit të PD, në zgjedhjet e 13 qershhorit. Elezi dhe Harxhi bëjnë pjesë në grupimin “Për PD”, një lëvizje, e cila pas 25 prillit kërkoi largimin e kreut demokrat, Lulzim Basha dhe rithemelimin e PD, përmes një procesi transparent dhe analizash.
Nga raportimet mësohet se Elezi dhe Harxhi pritet të plotësojnë formularët përkatës, bazuar në vendimin e Komisionit Zgjedhor për zgjedhjet në PD, që kryesohet nga Jemin Gjana.
Në grupimin për PD gjithashtu bëjnë pjesë edhe Arben Imami dhe Bujar Nishani, ish-ministra në qeverinë e PD, dhe anëtarë të Këshillit Kombëtar të kësaj partie.
Deri më tani në garën për kreun e PD kanë deklaruar pjesëmarrjen Lulzim Basha dhe Fatbardh Kadilli, ndërkohë që nuk dihet ende nëse Elezi dhe Harxhi do të zyrtarizojnë pjesëmarrjen në garë.
