Partizani luan nesër një ndër ndeshjet më vendimtare të sezonit, teksa përballen në “Air Albania” ndaj Vllaznisë.
Në këtë ndeshje të kuqtë vijnë me një mungesë të rëndësishme. Jasir Asani ka plotësuar numrin e katër penalizimeve me karton të verdhë dhe nuk do jetë i gatshëm për sfidën e nesërme.
Sulmuesi ka reaguar në rrjetet sociale dhe tregon keqardhjen që nuk do jetë i pranishëm nesër, por ka besim te shokët e tij, që do aktivizohen nesër.
“Një finale e fituam, por janë edhe dy. Më vjen keq dhe kërkoj ndjesë që nuk do të jem pjesë e skuadrës për ndeshjen ndaj Vllaznisë për shkak të kartonëve, por jam i bindur se Partizani ka shumë luftëtarë dhe të gjithë do të japin më të mirën për ëndrrën e madhe”, shkruan anësori i kuq.
