Këngëtarja Era Rusi ka treguar momentin më të vështirë në jetën e saj, teksa fliste tek “E ardhmja është vajzë Këngëtarja tregoi se ndarja nga jeta e gjyshes së saj në dhjetor të vitit të kaluar, e bëri të ndihej për herë të parë të pafuqishme.
Mes lotësh, Era tregoi se ajo ka qenë rrobaqepëse dhe se kishte kaluar shumë net pa gjumë duke qepur fustanet e saj dhe të motrës së këngëtares gjatë fëmijërisë së tyre.
“Doja të shkoja sepse ishte një njeri që rrinte shumë net pa gjumë, duke qepur fustanet e mia dhe të motrës sime.
Ka qenë rrobaqepëse dhe ka qenë shumë e zonja në punën e saj dhe gjithë jetën e saj e ka bërë me shumë dashuri. Prej saj kemi marrë mirësinë dhe dashurinë, na ka rritur me këtë frymë”, tregoi Era.
Era zbuloi se në ditët e fundit të jetës së të ndjerës shkonte t’i këndonte një ninullë, të cilën gjyshja ua këndonte gjatë fëmijërisë.
“Ia kënduam dhe natën e fundit me motrën, shkuam për t’i kënduar ninullën. Motra e nisi, unë isha e pafuqishme. Për herë të parë në jetë u ndjeva e pafuqishme për të kënduar, dhe e ndoqa nga pas.
Infermierja na tha që në ato momente ajo filloi të kishte një lloj reagimi. Na dëgjonte. Infermierja na tha që ajo kishte qenë nata e saj e fundit”,- rrëfeu Era.
Kur iu kërkua që të këndonte një pjesë të saj në studio, e përlotur, Era tha se nuk mundej.
