Një person i pajetë është gjetur ditën e sotme në Sarandë.
Mësohet se shtetasi me iniciale, B.B, 65-vjeç, kishte dalë për gjueti vetëm në pyllin e fshatit “Janjar”, ku dhe ka gjetur vdekjen.
Viktima u gjet mëngjesin e sotëm pa shenja jete. Në trupin e tij raportohet se kishte plagë të rënda, çka ka bërë që autoritetet të dyshojnë se është sulmuar nga derrat e egër, për të cilët kishte dalë të gjuante.
Në vendin e ngjarjes ka shkuar një grup hetimor që do të zbardh më tej se çfarë ndodhi me 65-vjeçarin.
