Ish-kryeministri Sali Berisha ka paralajmëruar sot një konferencë me pyetje përgjigje për gazetarët, në ambientet e një hoteli në Tiranë, një ditë pasi Departamenti Amerikan i Shtetit i ndaloi hyrjen për në SHBA.
Burime jozyrtare bëjnë me dije se në ambientet jashtë Rogner, ku Berisha do të mbajë konferencën e tij do të ketë organizime mbështetësish, ndërsa thirrja është bërë kryesisht në rrjetet sociale, dhe nuk lidhet direkt me PD-në.
Mbetet për t’u parë nëse do të ketë një grumbullim njerëzish, dhe nëse Berisha do tiu drejtohet apo jo atyre, përpara se tiu drejtohet të gjithë shqiptarëve përmes mediave.
