Një person ka mbetur i plagosur nga një aksident i ndodhur këtë pasdite në aksin rrugor Fushë Krujë – Kamëz, në Tapizë.
Policia sqaroi se automjeti tip “Toyota” me drejtues shtetasin I.Xh.,56 vjeç është përplasur me një motor pa targa, me drejtues shtetasin B.S.
Ky i fundit është plagosur dhe ndodhet në Spitalin e Traumës Tiranë nën kujdesin e mjekëve.
Ndërkohë, drejtuesi i automjetit është shoqëruar në ambientet e Komisariatit dhe grupi hetimor po punon për sqarimin e plotë të rrethanave të aksidentit, shtuan të njëjtat burime.
