Pas triumfit me Partizanin, para 2 sezonesh, Bruno Telushi ka arritur një tjetër sukses në karrierën e tij. Edhe pse kësaj here jo protagonist absolut si te “Demat e Kuq”, mesfushori vlonjat, arriti të shpallej kampion me skuadrën e Neftçi Bakusë në kampionatin e Azerbajxhanit.
Bardhezinjtë triumfuan në ndeshjen e fundit ndaj Karabakut me rezultatin 1-0, duke festuar kështu suksesin madhështor.
Vlen të theksohet fakti se Telushi është aktivizuar me pikatore, duke numëruar vetëm 9 paraqitje këtë sezon. Edhe sfidën e sotme ndaj Karabakut, shqiptari e ndoqi nga stoli. Është ende e paqartë nëse mesfushori do të vijojë karrierën te kampionët e Neftçit, apo do të kemi një rikthim të mundshëm të tij në Superiore./ Panoramasport
