Një sasi e konsiderueshme parash raportohet se është sekuestruar këtë të Mërkurë në Portin e Durrësit.
Burime policore bënë me dije se shuma monetare, vlera totale e së cilës nuk është papërcaktuar ende saktësisht, u gjet në një fugon mallrash që vinte nga Anglia.
Të njëjtat burime shtuan mjeti që përdorej prej disa vitesh për transportin e mallrave nga Anglia në vendin tonë mbërriti në Durrës rreth mesditës, i imbarkuar në një mjet lundrues që vinte nga porti i Ankonas në Itali.
Policia kishte informacion më herët për mjetin dhe kështu në port janë kryer kontrolle të hollësishme.
Pas zbulimit të parave, që janë tentuar të futen në vendin tonë të padeklaruara, policia ka ndaluar shoferin e fugonit.
Sipas burimeve nga grupi hetimor, dyshohet se bëhet fjalë për para të grupeve kriminale të gjeneruara nga trafiku i lëndëve narkotike.
Aksioni që çoi në zbulimin e parave është kryer nga Policia e Durrësit në bashkëpunim me autoritetet doganore dhe prokurorinë.
Paratë u gjetën të vendosura në disa pako.
Bëhet fjalë për paund, të cilat po numërohen nga efektivët për të përcaktuar shumën e saktë.
VIDEO/ Zbulohet sasia e parave të sekuestruara në Portin e Durrësit
Fugoni me paund i kapur në Durrës, ja kush është i ndaluari (Emri)
