Ndeshja e Serisë A midis Lazios dhe Torinos u luajt mes tensionit nisur dhe nga rivaliteti midisi dy ekipeve dhe problemet nga ndeshja e fazës së parë ku bardhekaltrit u akuzuan se hynë në fushën e lojës të infektuar me Covid-19.
Pjesë e këtij konflikti është bërë dhe drejtori sportiv i Lazios, Igli Tare, i cili në tunelin e dhomave të zhveshjes në përfundimin e pjesës së parë është ballafaquar me arbitrin e ndeshjes duke përdorur tonë kërcënuese ndaj tij.
Për këtë veprim, Gjykata Sportive ka vendosur të ndalojë Igli Taren të kryejë aktivite brenda federatës deri më datën 31 maj dhe ka akorduar një gjobë prej 5 mijë eurosh.
Sipas “Sport Mediaset”, Tare është një shkelës i përsëritur ndaj këtyre xhestve duke përdorur tone blasfemie në disa raste.
