Sekretari amerikan i Shtetit, Antony Blinken, njoftoi sot zyrtarisht vendimin e Departamentit të Shtetit, që i ka ndaluar Sali Berishës dhe familjarëve të tij hyrjen në SHBA.
Përmes një postimi në Twitter, Sekretari Amerikan i Shtetit Antony Blinken shprehet se Berisha minoi demokracinë në vend. Blinken shkruan në faqen e Departamentit të Shtetit se gjatë qeverisjes, Berisha ka kryer akte korrupsion të mëdha ku përfituan ai dhe familja.
Ndërkohë në deklaratën e bërë nga Departamenti Amerikan i Shtetit theksohet se shkeljet nga Berisha janë bërë veçanërisht në kohën kur ka shërbyer si kryeministër i Shqipërisë.
Në deklaratën zyrtare shkohet edhe më tej, duke paralajmëruar të tjerë emra në listën e zezë.
“Në cilësinë e tij zyrtare si Kryeministër i Shqipërisë në veçanti, Berisha ishte i përfshirë në veprime korruptive, të tilla si shpërdorim i fondeve publike dhe ndërhyrje në proceset publike, duke përfshirë përdorimin e pushtetit të tij për përfitimet e tij dhe për të pasuruar aleatët e tij politikë dhe anëtarët e familjes së tij në shpenzimet e besimit të publikut shqiptar në institucionet e tyre qeveritare dhe zyrtarët publikë.
Veçanërisht në kohën kur ka shërbyer si kryeministër i Shqipërisë, Berisha është përfshirë në vepra korrupsioni, si përvetësimi i fondeve publike dhe ndërhyrje në proceset publike, përfshi edhe përdorimin e fuqisë së tij për përfitime vetjake dhe për pasurimin e aleatëve politikë dhe anëtarëve të familjes në kurriz të besimit të publikut shqiptar te qeveria, institucionet dhe zyrtarëve publikë”, thuhet në deklaratë.
Më parë DASH ka përfshirë në listën e zezë edhe kreun e PSD-së, deputetin Tom Doshi, aleat i Kryeministrit Edi Rama, ish-kryebashkiakun e Durrësit, Vangjush Dako, për të cilin vetë Rama është shprehur se e ka mik, si dhe ish-Kryeprokurorin.
