Detaje të reja janë zbuluar nga ngjarja tronditëse e ndodhur në Rrëshen, ku 5 persona të moshës nga 17 deri në 44 vjeç kanë shantazhuar dhe kanë përdhunuar një të mitur 15-vjeçare.
Sipas informacioneve bëhet me dije se gjendja e vajzës së mitur është jashtëzakonisht e rënduar, veprimi që ka ndodhur ka qenë i përsëritur, vajza është kërcënuar me armë për të kryer veprime që nuk kanë qenë në dëshirën e saj.
Mësohet se vajza ka qenë nën efektin e lëndëve narkotike. E kanë rrëmbyer në momentet që po kthehej nga shkolla. I kanë dhënë një celular dhe i kanë thënë sa herë që të telefonojmë, je e detyruar ta hapësh, në të kundërt do të vrasim motrën, do të vrasim prindërit.
Ndërkohë raportohet se nëna e vajzës është në gjendje shoku.
