Kompozitori i njohur dhe ish-profesori i Universitetit të Prishtinës, Fahri Beqiri, është ndarë nga jeta mëngjesin e sotëm në moshën 85-vjeçare.
Lajmin për vdekjen e tij e ka bërë të ditur muzikanti Ylber Asllanaj, përmes një postimi në profilin e tij në “Facebook”.
“Pusho në paqe prof.Fahri Do të të kujtojmë me respekt e dashuri për aq sa t’jemi edhe ne!”, ka shkruar ai.
Fahri Beqiri e filloi rrugëtimin e tij profesional në shkollën e mesme të muzikës në Prizren për t’i vazhduar studimet në Akademinë e Muzikës në Beograd. Beqiri ka qenë dirigjent i korit dhe orkestrës frymore në Mitrovicë, tërë aktiviteti i tij është i lidhur ngushtë me organizimin, promovimin e muzikës në vend.
