Ambasadorja amerikane Yuri Kim ka reaguar lidhur me sekuestrimin e 400 kg kokainë në Kosovë. Në një postim në Twitter, Kim shkruan se kapja e drogës ditën e djeshme erdhi si rezultat i bashkëpunimit të ngushtë mes Shqipërisë, Kosovës, Italisë dhe SHBA-ve.
Po ashtu, diplomatja amerikane shton se DEA pati një rol të rëndësishëm në këtë goditje kundër trafikuesve ndërkombëtarë të drogës dhe krimit të organizuar.
Yesterday’s seizure of 400kg of cocaine is the result of strong cooperation among 🇦🇱 🇽🇰 🇮🇹 🇺🇸. SPAK & Albanian State Police, with @DEAWashingtonDC, played an important role in this strike against international drug traffickers & organized crime. https://t.co/hHdy3ihcCg
— Ambassador Yuri Kim (@USAmbAlbania) May 18, 2021
Nga raportimet e një dite më parë, është mësuar se lënda narkotike ishte nisur drejt Brazilit dhe dyshohet se destinacioni final ishte Gjermania. Kontenieri që transportonte pula ka kaluar në Itali, më pas në portin e Durrësit, ndërsa monitorohej me GPS. Pas një qëndrimi disa ditor, kontenieri mbi një kamion, ka kaluar në Kosovë, atje ku edhe autoritetet policore bënë ndërhyrjen finale, duke çuar në sekuestrimin e sasisë së 400 kg kokainë, me një vlerë prej disa milionë euro.
