Endri Mustafa, 32 vjeç, u gjend i vrarë sot në zonën e Livadheve në Shkodër. Nga të dhënat e para msohet se viktim prej 3 ditësh rezultonte i zhdukur, madje familjarët kishin bërë edhe denoncimin në policinë vendore.
Viktima ishte dënuar më parë për plagosje. Nga raportimet mësohet se trupi i pajetë u gjet në orët e vona të mbrëmjes së të dielës.
Mustafa ka qenë i arrestuar në vitin 2016, bashkë me 3 shtetas të tjerë si autorë të veprave penale “Vjedhje me armë”, “Plagosje e lehtë me dashje”, “Prodhim dhe mbajtje pa leje të armëve e municioneve lufatrake” kryer në bashkëpunim.
Në atë kohë policia u gjeti armë dhe municione. Gjatë kontrollit atëherë u sekuestruan 6 automjete të ndryshme, 2 antiplumba, 305 copë fishekë model 56, 5 krehëra armë zjarri automatikë, 2 krehëra pistoletë TT, 5 skafandra motori, 4 maska dhe 4 kapuç me ngjyrë të zezë, 7 copë fishekë model 54, 3 gëzhoja model 54, rroba me mbetje si gjaku dhe 8 telefona celularë të markave të ndryshme.
Emri i tij del në pistë edhe në vitin 2020 gjatë operacioni ‘’Maranaj’’ sërish për fajde, ku ai u shpall në kërkim policor.
