Kanë mbetur edhe 180 minuta nga fundi i këtij sezoni, ose dhjetë ditë. Por, pritet që java e 35-të, të jetë shumë e rëndësishme, e madje edhe vendimtare për shumë skuadra… Të gjitha ndeshjet do të luhen ditën e premte, duke filluar nga ora 17:00.
Vëmendja më e madhe është te dy përballjet për titull, Partizani-Vllaznia dhe Laçi-Teuta. Sfidë me interes të madh është edhe ajo mes Kastriotit dhe Bylisit, e cila do të përcaktojë skuadrën që bie dhe atë që shkon në “play-out”.
Skënderbeu nga ana tjetër ka mundësinë e artë për të siguruar mbijetesën, teksa kjo do të realizohej me një fitore ndaj Kukësit në Korçë. Sfida tjetër është ajo mes Apolonisë dhe Tiranës, me të dyja skuadrat që tashmë kanë dështuar për të arritur objektivat.
Java 35/ E premte 21 maj, ora 17:00
Partizani-Vllaznia
Laçi-Teuta
Kastrioti-Bylis
Skënderbeu-Kukësi
Apolonia-Tirana
