Presidenti serb, Aleksander Vuçic publikoi një foto në të cilën shfaqet duke ngrwnë byrek dhe kos, pjesë e përgatitjes për javën e ardhshme, e cila sipas tij do të jetë e vështirë.
Përmes një postimi në rrjetin e tij social Instagram, Vuçiç tregon se po përgatitet për javën e ardhshme, kur e pret një darkë pune në Bruksel me liderët e Ballkanit Perëndimor, përfshirë dhe kryeministrin e Kosovës Albin Kurti.
Ai shkruan se parimet politike janë forcë dhe bashkëpunimi me Evropën dhe botën garanton siguri ekonomike dhe një të ardhme më të mirë.
“Byrek dhe kos, përgatitje e shkëlqyeshme për javën e vështirë përpara. Ne kemi takime të rëndësishme dhe besoj të suksesshme në Lubjanë, Bruksel dhe Pragë. Parimet politike janë forca jonë, dhe bashkëpunimi me Evropën dhe botën na garanton siguri ekonomike dhe një të ardhme më të mirë për ne. Rroftë Serbia”, shkruan ai në postimin e tij.
