Policia e Durrësit, ka arrestuar një 36-vjeçar, i cili është përplasur në gjendje të dehur me një mjet bujqësor.
Ngjarja ka ndodhur, në aksin rrugor Gjiri i Lalzit – Maminas, në fshatin Rrotull, Shijak, ku shtetasi M.K., 36-vjeç, duke drejtuar në gjendje të dehur mjetin tip “BMW” është përplasur me mjetin bujqësor, motokarro, pa targa, me drejtues shtetasin I.V.
Burimet policore bëjnë me dije se shtetasi I.V, ndodhet në Spitalin e Traumës Tiranë në gjendje serioze për jetën, ndërsa shoferi i makinës ka rënë në pranga.
Materialet i kaluan Prokurorisë së Rrethit Gjyqësor Durrës për veprime të mëtejshme.
