Maliqi ia doli të sigurojë ngjitjen në Kategorinë e Parë, për herë të parë në histori të klubit. Juglindorët mposhtën 4-0 Këlcyrën ditën e sotme, duke u shpallur kështu kampionë të grupit B.
Festa në klubin maliqar ishte e madhe, për tifozët, por akoma edhe më shumë për lojtarët. Këta të fundit, menjëherë pas përfundimit të ndeshjes, kanë shpërthyer në festë, duke gëzuar pafund për këtë arritje historike, të skuadrës së tyre.
Në videot e mëposhtme mund të shikoni edhe festën, që shpërtheu menjëherë pas përfundimit të sfidës, ku dëgjohen lojtarët njëzëri: “Kampiona jemi ne!”
