Ka startuar në orën 20:45, sfida Milan-Cagliari, teksa kuqezinjtë vijnë me objektivin e qartë fitoren për të mbajtur gjallë shpresat për një vend në Ligën e Kampionëve sezonin tjetër.
Barazimi i Beneventos me Crotonen ka sjellë qetësi tek të dyja ekipet, teksa Cagliari nisi festën e mbijetesës në Serinë A para sfidës me Milanin në hotelin ku po akomodohej skuadra.
Nga e gjithë kjo situatë mund të përfitojnë kuqezinjtë, të cilët luajnë përballë një Cagliari pa objektiva, dhe tre pikë për Milanin do të ishin shumë të rëndësishme para sfidës direkte që do të luajnë me Atalantën fundjavën tjetër. Fitorja e Juves, Napoli dhe Atalantës ua bën kuqezinjve detyrim triumfin në këtë sfidë.
