Rreth 10 mijë punonjës në sektorin e transportit publik presin që edhe për ta të nis shërbimi i vaksinimit ndaj covid , ku rreth 3 mijë prej tyre janë taksistë. Taksisti është një ndër profesionet i cili ka kontakt me një numër të madh njerzish. Rreziku i infektimit me covid është mjaft i lartë, ndaj dhe vonesa e shërbimit të vaksinimit për këtë sektor, ka nxitur punonjës të këtij sektori të bëjnë thirrje që vëmëndja të kthehet edhe tek ta. Taksistët në Elbasan shprehen se nëse do të vaksinoheshin do të ndjeheshin më të sigurtë.
Ndërkohë që ky sektor është tkurrur mesatarisht 2% gjatë vitit 2020, frika ndaj infektimit largon edhe klientët, ndaj vaksinimi i shërbimit të transportit publik do ti ofronte më shumë siguri edhe klientëve që frekuentojnë këto forma transporti duke i dhënë një dorë sektorit për t’u rimëkëmbur.
Këshilli që merr vendime për të gjitha grupet e interesit çuditërisht ka harruar që në Republikën e Shqipërisë ka edhe Transport Publik. Kjo gjë i bën ata të ndjehen të përjashtuar në mënyrë absurde.
