Një valë e ashpër e motit të keq goditi Kinën qendrore-lindore gjatë natës, duke u pasuar me dy tornado të mëdha , të cilat shkaktuan dëme shumë serioze dhe morën jetë njerëzish.
Një nga dy tornadot goditi Wuhan-in, kryeqytetin e provincës Hubei, duke shkaktuar dëme të mëdha materiale. Furtuna e erës ka rrëzuar pemët dhe shtyllat e dritës, ka dëmtuar strukturat dhe shtëpitë e shumta.
Gati 30 shtëpi u shembën . Edhe një vinç i madh u shemb në një kantier ndërtimi. Numri i të vdekurve është të paktën 6 dhe rreth 200 të plagosur.
Një tjetër tornado, akoma më i fortë goditi qytetin Suzhou , afër Shangait, në lindje të Wuhan.
Era lëvizi me 200 kilometra në orë (tornado e mundshme e kategorisë F2). Katër persona u vranë dhe një është zhdukur, ndërsa 130 persona janë plagosur.
Bilanci i përgjithshëm i valës së motit të keq është dhjetë viktima dhe mbi 300 të plagosur , por mund të përkeqësohet me kalimin e orëve, pasi zjarrëfikësit janë në kërkim nën rrënoja.
