Janë mbyllur 45 minutat e para të 4 sfidave të vlefshme për javën e 32-të të Kategorisë Superiore.
Vllaznia kryeson 0-1 në transfertë përballë Bylisit me një gol të shënuar në fundin e pjesës së parë. Marku nga këndi harkon në zonë, Avdiaj me kokë e dërgon në rrjetë.
Kryesuesit e kampionatit, Teuta kanë realizuar ndaj Kastriotit në minutën e 42-të. Emiliano Vila lëviz bukur në krahun e djathtë, kroson në zonë dhe aty Lorenco Vila mes mbrojtësve Shkalla dhe Çela, bën një lëvizje fantastike, duke kontrolluar topin dhe goditur tokazi, duke mposhtur Hidin, 0-1 për Teutën.
Në avantazh është edhe Kukësi kundër Apolonisë. Për verilindorët realizoi Agim Ibrahimi në minutën e 25-të. Ibraimin përfitoi nga një top i mbetur në zonë, nga gjuajtja e Peposhit e cila u prit nga Harizaj, për ta dërguar topin në fundin e rrjetës.
Ndërkohë sfida mes Laçit dhe Skënderbeu vijon të jetë e barabartë në shifrat 0-0.
