Pep Guardiola dhe Jurgen Klopp janë dy trajnerët më të suksesshëm të viteve të fundit dhe në këtë drejtim ata janë padyshim edhe rivalë për disa nga kompeticionet më të mëdha në Europë.
Gjithsesi, rivaliteti mes tyre është shoqëruar gjithmonë nga respekti dhe njohja e meritave, çka e bën edhe më të bukur këtë fakt. Klopp e uroi dhe kishte komplimente për Guardiolën pas fitimit të titullit.
Së fundmi, spanjolli ka folur për Klopp dhe shprehet se gjermani e ka përmirësuar si trajner. “Jurgen ishte një frymëzim për mua në këto vite. Me skuadrat e tij, Borussia Dortmund dhe Liverpool ai më bëri trajner më të mirë”, tregon Guardiola.
