Kryeministri i Maqedonisë së Veriut ka folur në lidhje me veton që Bullgaria ka vendosur për të ndaluar hapjen e negociatave. Ai ka shprehur bindjen se do të gjejë një zgjeidhje për të bindur Bullgarinë që të hiqet vetoja kundër vendit të tij.
Ditën e djeshme ministri i ri i Jashtëm i Bullgarisë, Svetlan Stojev, tha se qeveria e përkohshme nuk do të ndryshonte poziticionin ndaj Maqedonisë së Veriut duke lënë në fuqi veton.
Nga ana tjetër Zaev ka kërkuar ndihmën e Greqisë për negociatat, duke pranuar se vendi fqinj është partner strategjik i Maqedonisë së Veriut dhe shumë i zëshëm në Këshillin Europian nëpërmjet Mitsotakis dhe Denduas.
‘’Mendoj se do të gjejmë një zgjidhje me Bullgarinë, na duhet ndihmë nga Greqia, e cila tani është partneri ynë strategjik. Greqia është shumë e zëshme në Këshillin Evropian përmes Kryeministrit Mitsotakis, përmes Ministrit Dendias, ata janë shumë të përqendruar dhe udhëheqës në procesin e integrimit të Ballkanit Perëndimor në Bashkimin Evropian,’’ tha Kryeministri i Maqedonisë Veriore Zoran Zaev gjatë pjesëmarrjes së tij në forumi i gjashtë Delphi.
