Një viktimë dhe 103 raste të reja me koronavirus u raportuan të Enjten në Kosovë.
Viktima u regjistrua në Komunën e Prizrenit, bëri të ditur Instituti Kombëtar i Shëndetësisë Publike të Kosovës.
Rastet e reja pozitive rezultuan pas 2,100 testimeve.
Shifra prej 103 i bie që 4 për qind e të testuarve kanë dalë pozitivë.
Sipas IKSHPK-së, në 24-orëshin paraprak edhe 248 pacientë janë shëruar nga koronavirusi.
Me shifrat e sotme, numri i përgjithshëm i të infektuarve në Kosovë arrin në 106,754, i viktimave në 2,218 dhe i të shëruarve në 98,787.
Raste aktive aktualisht janë 5,749.
