Një person është plagosur me armë mbrëmjen e djeshme në qytetin e Korçës.
33 vjeçari i identifikuar si Marsel Rusi (tashmë i arrestuar) kishte marrë një plumb në vithe.
Lidhur me këtë ngjarje është arrestuar edhe një shok i tij i identifikuar si Andi Adri.
Mësohet se 33-vjeçari pasi është ndaluar dhe mjekuar si fillim në spitalin e Korçës është nisur drejt spitalit të traumës në Tiranë.
Nga burimet spitalore thuhet se Rusi ka shenja në kokë, por nuk bëhet me dije shkaku nga bluzat e bardha.
Policia ende nuk ka sqaruar rrethanat e plota të ngjarjes, por dyshohet që ai të mos jetë plagosur në Korçë.
Rusi sipas të dhënave ka qenë person që luante edhe kumar megjithëse nuk konfirmohet ende që plagosja të ketë lidhje me këtë pjesë.
Fillimisht, ngjarja u raportua si vetëplagosje. Policia po vijon hetimet për sqarimin e plotë të rrethanave.
