Partizani përballet me Tiranën në derbi dhe në prag të ndeshjes lojtarët kanë refuzuar të stërviten, për shkak të pagave.
Sigurisht trajneri Daja është pyetur edhe për këtë pjesë, por më së shumti ka folur në lidhje me derbin dhe tema të tjera në lidhje me garën.
Barazimi ndaj Skënderbeut – “Mendova se do ishte një pyetje tjetër, pasi sa herë që luajmë me ekipet e para në renditje, na thonë që kemi dalë barazim. Pyetje me vend, pasi ndeshjet vijën me dinamike. Kemi humbur dy pikë në Korçë, por e pamë të gjithë që loja ishte në gjysmëfushën kundërshtare.
Futbolli i ka këto dhe nuk ka ndonjë ndikim të madh, pas edhe nëse fitonim nuk do kishte ndonjë shkëputje në krye. Kishim shkuar vetëm për të fituar, por nuk ka lënë gjurmë. Edhe nëse do kishim një rezultat negativ, derbi është një ndeshje e veçantë, më e rëndësishmja e kampionatit. Jemi mirë psikologjikisht, pasi kemi në anën tonë lojën dhe do vazhdojmë kështu edhe ndeshjet e fundit”.
Derbi – “Sigurisht ka një bonus psikologjik fitorja në derbi dhe presioni është më i madh te kundërshtari, sepse kemi fituar 2 herë dhe kemi barazuar 1 herë. Derbi nuk lidhet me njëri-tjetrin, por presioni mund të jetë më i madh te Tirana. Pritshmëritë do jenë të mëdha.
Rivaliteti është maksimal, pasi veçse është derbi luhet në javët e fundit dhe me rivalitet maksimal. Jemi më lart se kundërshtari në përballje direkte, por nëse duam ta vazhdojmë këtë lloj ecurie, duhet të motivohemi njësoj si në derbit e tjerë, ose të menaxhojmë motivimin që të mos ndikojë në lojë”.
Udhëkryqi i sezonit – “Nuk e besoj se është udhëkryq, është një bonus i madh marrja e tre pikëshit në derbi. Nëse shikojmë përballjet që kemi ne, edhe rivalët e tjerë kanë përballje direkte. Çdo fitore të jep entuziazëm, por besoj që nuk do jetë vendimtar vetëm ku 3 pikësh. Çdo ndeshje do e kemi njësoj si derbi. Nëse marrim 3 pikët tona, nuk varemi se çfarë bëjnë kundërshtarët”.
Ruajtja e kreut – “Ky kampionat ka qenë i paparashikueshëm, për vonesën, pandeminë. Në fund të fundit lojtarët janë gjithashtu njerëz dhe i ndjejnë situatat. U ka ndodhur edhe skuadrave të tjera. Kjo nuk ka ndodhur vetëm në Shqipëri, por ka ndikuar në të gjithë botën. Në këtë situatë ndikon edhe mungesa e tifozëve. Nëse do kishin lojtarët mbështetjen e tifozëve, lojtarët do ishin më të motivuar dhe do të ishin çdo ndeshje njëlloj. Një motiv i madh është suporti i tifozëve”.
Presioni te Partizani– “Tirana është ekipi kampion në fuqi dhe e ka nisur si pretendente, pritshmëria ka qenë e madhe. Me problemet që patëm në fillim, brenda vetës kërkonim çdo herë maksimumin pasi jemi pjesë e një klubi si Partizani, ku objektivat dihen që janë të mëdha.
Kemi ndryshuar krahët me Tiranën me atë që kemi bërë gjatë gjithë kësaj kohe, por mendoj se presioni nuk është më i madh te ne. Derbi ka presionin e vet, nga psikologjike e ka të lehtë motivimin e lojtarëve, por të vështirë menaxhimin e dozës emocionale, pasi në fund logjika duhet të jetë mbi emocionin. Në këtë prizëm kemi punuar me lojtarët, pasi dihet që ata janë në maksimumin e motivimit në një derbi.
