Bella dhe Gigi Hadid reagojnë pas sulmeve në Palestinë: Jemi pranë vëllezërve dhe motrave tona

Supermodelet e famshme Bella dhe Gigi Hadid reaguan në Instagram për konfliktet në Jeruzalem duke thënë se ata ishin prekur thellë nga këto ngjarje, dhe se e gjithë familja Hadid është me palestinezët.

Motrat Hadid mbështetën palestinezët përmes një serie fotografish dhe Bella u kërkoi ndjekësve të saj që të lexonin për këtë temë.

“Nuk ka të bëjë me fenë, nuk ka të bëjë me përhapjen e urrejtjes. Ka të bëjë me kolonizimin e Izraelit, spastrimin etnik, okupimin ushtarak dhe shumë çështje të tjera me të cilat palestinezët po luftojnë për vite me radhë. Unë qëndroj pranë vëllezërve dhe motrave të mia Palestineze, unë do t’ju mbroj dhe do t’ju mbështes sa më mirë që mundem”, ka shkruar Bella.

Ajo shtoi se që nga lindja, ishte detyruar të dëgjonte faktin që Palestina nuk është e vërtetë, si dhe se vendlindja e babait të saj nuk ekziston.

 

View this post on Instagram

 

A post shared by Bella 🦋 (@bellahadid)

Motra e saj Gigi, ndau gjithashtu një foto të pasaportës amerikane të babait të saj Mohamed Anwar Hadid në profilin e saj në Instagram, ku thuhet se ai ka lindur në Palestinë.