Arsenal ka mposhtur 1-0 Chelsea-n në Stamford Bridge në javën e 36-të të Premier League.
Kjo ka qenë fitorja e parë nga Topçinjtë në një ndeshje të kampionatit të luajtur në shtëpinë e Bluve që nga 2011-ta.
Një sukses që ka ardhur falë një goli të Smith Rowe në minutën e 16-të, i mundësuar nga një gabim i pafalshëm i Jorginho-s.
Skuadra e Tuchel ka qenë e pafat në fundin e takimit me dy traversa të goditura nga Zouma dhe Giroud në të njëjtin aksion.
Chelsea mban vendin e katërt në renditje me 64 pikë, tri më shumë se West Ham, që ka një ndeshje më pak, dhe shtatë më shumë se Liverpool, që ka dy ndeshje më pak.
Arsenal është ngjitur në vendin e tetë me 55 pikë, vetëm një larg zonës Europa League.
