Identifikohet autori i vrasjes së ndodhur orët e vona të mbrëmjes së djeshme në rrugën “5 Maj” në Tiranë.
Marjus Dema, 27 vjeç është shpallur në kërkim si autor i dyshuar të vrasjes së 27-vjeçarit Mehmet Qema.
Gjithashtu, në kërkim janë shpallur edhe Erlind Peka, 27 vjeç, Bralid Aga, 28 vjeç, Blerim Hoti, 23 vjeç, Frenkli Myftari, 29 vjeç dhe Xhuljano Koçi, 19 vjeç, për veprat penale “Moskallëzim krimi” dhe “Veprime që pengojnë zbulimin e së vërtetës”.
Dyshimet janë se vrasja mund të ketë ndodhur nga pakujdesia.
Viktima dhe autori dyshohet se ishin shokë dhe teksa ishin nën shoqërinë e personave të tjerë, dyshohet se arma e mbajtur nga Dema është shkrepur nga pakujdesia dhe për pasojë ka lënë të vdekur 27-vjeçarin Mehmet Qema.
