Bahia regjistroi titullin e katërt të Copa Nordeste në Brazil, një kupë rajonale në futbollin latin në një finale shumë elektrizuese ndaj Cearas. Ajo që duhej të ishte festë pas vërshëllimës finale pas penalltive, u shndërrua në një arenë boksi ose turpi.
Gjithçka nisi kur mbrojtësi i Bahias në vërshëllimën finale i dha një shuplakë portierit të Cearas dhe kaq mjaftoi për të zbritur ferrin në fushë mes lojtarëve, madje edhe stafeve të skuadrave të përfshira në ato skena të shëmtuara.
Ishin shumë lojtarë që u rrahën me grushta madje dhe me karriget e gazetarëve të përdorura ndërsa në pamje shihet edhe Steven Mendoza i Cearas që në një moment i ikën edhe policisë për t’u hedhur në stil kung fu-je ndaj një rivali të Bahias.
Edhe pse kishte mbaruar ndeshja, gjyqtari i ndeshjes, Denis da Silva, nnxorri pesë here kartonin e kuq ndaj Jael, Gabriel Dias dhe Mendoza, nga Ceará, dhe Daniel dhe Juninho, nga Bahia.
