Policia e qytetit të Breshës, ka arrestuar një grup trafikantësh shqiptarë që transportonin kokainë nga Hollanda e Belgjika në drejtim të Italisë.
Ngjarja është raportuar në orët e para të mëngjesit, ku sipas informacioneve bëhet me dije se janë vënë në pranga 3 shqiptarë e 2 italianë të akuzuar për pjesëmarrje në aktivitet kriminal e trafik droge e tipit kokainë në sasi të mëdha.
Paralelisht me hetimet në Itali, operacioni është shtrirë dhe në Belgjikë e Holandë ku është zbuluar rruga e trafikimit të kokainës drejt Italisë.
Më 20 maj të 2019 në Cologno Monzese të Milanos u kapën 15 kg kokainë e nisur nga Belgjika për llogari të trafikantit shqiptar.
Droga po transportohej me një minibus të marr me qira nga një shofer italian nga qyteti i Bolonjës.
Që nga nisja e hetimeve, operacioni “Kristal” ka çuar gjithsej në arrestimin e 8 personave e sekuestrimin e mbi 16 kg kokainë.
