Policia ka arrestuar një 49-vjeçar, mesditën e sotme, pasi akuzohet se me anë të një thike ka terrorizuar një familje në Tiranë.
Sipas njoftimit të policisë, është vënë në pranga shtetasi me iniciale Z.I., pasi ka kanosur me një mjet prerës familjen e shtetasit G. E.
“Specialistët për Hetimin e Krimit në Komisariatin e Policisë Nr. 4 bënë arrestimin në flagrancë të shtetasit Z. I., 49 vjeç, pasi ka kanosur me një mjet prerës familjen e shtetasit G. E.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme”,- njofton policia.
