Ditën e enjte, në “Air Albania” përplasen dy ekipe historike të futbollit shqiptar, Partizani dhe Tirana.
Sfida derbi mes të kuqve dhe bardhebluve gjithmonë merr vëmendjen më të madhe dhe të gjithë futbollistët që kanë përjetuar emocionin e të luajturit një ndeshje të tillë, e dinë rëndësinë e kësaj sfide.
Te Partizani ka shumë lojtarë titullarë që janë në fund kontrate dhe ky derbi, mund të jetë i fundit për ta. Emra si: Belica, Bardhi, Asani, Mala, Çinari e të tjerë kanë qenë protagonistë në derbet kundër Tiranës, madje edhe duke shënuar gola.
Por, dhe lojtarë si Bitri, Broja apo Hakaj, që kanë qenë të rëndësishëm këtë sezon, mund të kenë 90 minutat e fundit në një ndeshje derbi.
