Reperi Marin ka reaguar pas vrasjes së 27-vjeçarit Mehmet Qemës, mbrëmjen e djeshme të ndodhur tek zona e “5 majit” në Tiranë.
“Koha kalon dhe unë të betohem që do të të shoh sërish. Pusho në paqe. Do jesh gjithë këtu vëllai im,”– ka shkruar reperi.
Bëhet me dije se janë vetëdorëzuar në polici edhe personat e tjerë në kërkim për ngjarjen: Erlind Peka, 27 vjeç, Bralid Aga, 28 vjeç, Blerim Hoti, 23 vjeç dhe Xhuljano Koçi, 19 vjeç. Më herët u vetëdorëzua dhe Marjus Dema, 27 vjeç dhe Frenkli Myftari 29 vjeç.
Marjus Dema akuzohet si personi që qëlloi me armë ndaj bashkëmoshatarit dhe mikut të tij Mehmet Qema. Në dëshminë e tij, Marjus Dema është shprehur se ngjarja ka ndodhur nga pakujdesia.
Ndërsa personat e tjerë, akuzohen për veprat penale “Moskallëzim krimi” dhe “Veprime që pengojnë zbulimin e së vërtetës”.
Grupi i djemve kanë qenë bashkë mbrëmjen e djeshme në një lokal të marrë me qera nga Marjus Dema, i cili dyshohet se nga pakujdesia, në një moment, ka shkrepur armën duke qëlluar për vdekje Mehmet Qemën.
