Tre shqiptarë dhe dy italianë u arrestuan në kuadrin e një operacioni të përbashkvt të Skuadrës Lëvizëse të Lombardisë, me karabinierët e Bolonjës dhe Veronës.
Të arrestuarit akuzohen për importin, transportin dhe transferimin e sasive të konsiderueshme të kokainës.
Operacioni në fjalv i ka fillesat në 20 Dhjetor 2018, kohë kur policia arrestoi një shtetas maroken, të cilit iu kap një sasi prej 1 kilogram kokainë.
Sipas mediave italiane, pas kësaj ngjarje filluan hetimet që bënë të mundur identifikimin e furnizuesit të sasisë së madhe të drogës, një shtetas shqiptar që drejtonte një lokal në Travagliato, i cili ishte shndërruar në një qendër të vërtetë të shpërndarjes së drogës. Operacioni bëri të mundur arrestimin e gjithsej 8 personave dhe sekuestrimin e mbi 16 kilogramëve kokainë.
